Коронавирус инфекциясе таралуы куркынычы аркасында, башка уку йортларында кебек, мәдрәсәләрдә белем алучы шәкертләргә дә быелгы уку елын кыенрак шартларда – дистанцион рәвештә укып бетерергә туры килде. Аллаһның ярдәме белән, Кукмара мәдрәсәсенең барлык укучылары уку елын төгәлләде. Быел мәдрәсәне тәмамлаучы шәкертләр дә  интернет буенча – Ватсап һәм Зум системалары мөмкинлекләрен файдаланып имтиханнарын да тапшырды, Диплом эшләрен дә уңышлы яклады.   Читать далее →

   25 февраль сишәмбе көнне Кукмара район мәдәният йортында “Мөселман егетләре бәйгесе” дип исемләнгән чара үткәрелде. Бәйгедә Республикабызда эшләп килгән дини уку йортларында белем алучы шәкертләр катнашты. Кукмара, Балтач һәм Буа мәдрәсәләре укучыларыннан торган командалар 6 номинация буенча үзара ярышты.

Читать далее →

22 декабрьдә Кукмара мәдрәсәсенә Казан Федераль Университетында Көньяк Кореядән килеп белем алучы бер төркем студентлар кунак булып китте. Үзләре белдергәнчә, христиан динендә булсалар да, алар Татарстанга килгәч, ислам дине белән дә кызыксына башлады, шул сәбәпле буш вакытларында  мәчетләрне зиярат кылырга тырышалар икән.

   Мәдрәсә мөдире Ришат хәзрәт Курамшин яшьләргә мәдрәсә тарихы һәм эшчәнлеге турында мәгълүмат бирде, уку йортының бинасын күрсәтте. Ахырда кунаклар татарча токмач ашы белән сыйланып, Кукмара балы белән чәй эчкәннән соң рәхмәтләрен һәм соклану хисләрен белдерделәр. Шәт иншә Аллаһ, әлеге очрашу кореялылар күңелләрендә динебезгә карата уңай фикер тудырыр, һәм алар Ватаннарына кайтканнан соң да биредә алган тәэсирләр әле озак еллар дәвамында матур бер истәлек булып сакланыр.